ശൈത്യകാലം കഴിഞ്ഞിട്ടും
ഒരു മഞ്ഞു പ്രതിമ മാത്രം
ഇല കൊഴിഞ്ഞ മരങ്ങള്ക്ക്
കൂട്ടിരിക്കുന്നു.
പ്രതിമ അതിന്റെ
ശരീരത്തിന്റെ തുള്ളികള്
താഴെ വീണു കിടക്കുന്ന
ഇലകളിലേക്ക് വീഴ്ത്തുമ്പോള്
ഭൂമിയിലെ പൂമ്പാറ്റകളെല്ലാം
ചിറകടിച്ചുയരുന്നു.
പ്രതിമയുടെ മഞ്ഞു വിരലുകള്
ശിഖരങ്ങളില് ശ്രുതി മീട്ടുമ്പോള്
ധാരാളം പക്ഷികള്
ആകാശത്തേയ്ക്ക്
പറന്നുപോകുന്നു.
No comments:
Post a Comment