Tuesday, May 17, 2011

അഴിച്ചു കെട്ടെടാ പയ്യിനെ


ഴിച്ചു കെട്ടെടാ പയ്യിനെ

ഇതത്ര എളുപ്പമല്ല
ഒന്നിനും മൂക്ക് കയറില്ലന്നെ.
പുല്ലു തിന്ന് തിന്ന്
മഴമേഘങ്ങളായ്
മാറിയാവരാണ് മേയുന്നത്.

പറഞ്ഞാല്‍ പിടികിട്ടണ്ടേ.
കുന്നിന്‍ പുറവും പശുക്കളും
സ്വപ്നത്തിന്റെ ഭാഗമാണ്.
കയറിന്റെ ഇങ്ങേയറ്റവുമായ്‌
ഞാന്‍ നില്‍ക്കുന്നതോ
ഉറക്കത്തിനു വെളിയിലും.

എന്നിട്ടും നീ
അഴിച്ചു കെട്ടെടാ പയ്യിനെ
അഴിച്ചു കെട്ടെടാ പയ്യിനെ
എന്ന് കയറു പോട്ടിക്കുന്നതെന്തിനാ?
വേഗം പറ വേഗം പറ
ഉറക്കം വരുന്നു.

No comments:

Post a Comment